楊千嬅昨日為新片《五個小孩的校長》宣傳，期間與戲內五位小演員分組玩遊戲，千嬅於鬥快打呔時有板有眼，她透露讀書時已常打呔，雖然曾幫老公丁子高，不過對方有點抗拒：「佢唔鍾意人掂佢啲嘢，覺得自己打得靚，咪又係打死結！尋晚去Ball搞咁耐，最終咪又係打煲呔，成個花旦咁，仲貪靚過我！」千嬅又指日前與父母及囝囝觀賞優先場，雙親均感動流淚：「第一次見Daddy睇到喊，可能諗番以前教書，個仔以為睇3D，入場問我攞眼鏡，仲升晒Key講嘢，畀老公話嘈住晒人哋，媽咪仲喊到眼腫。」對於拍檔古天樂有意收戲中五位小演員做契女，千嬅笑說：「我都鍾意小朋友，不過除咗契，佢係咪快啲生好啲？（你追多個？）順其自然啦！」

千嬅與小演員玩遊戲時十分投入。