蕊蕊減肥Gym不甩

組合HunterZ經常在台上又唱又跳，身形Fit爆的她們，仍自覺有進步空間，故相約齊齊做Gym！對全身都唔滿意的蕊蕊，即打拳希望減走肥肉，更「投訴」男友金剛開空頭支票，冇陪她做運動！而其他成員何麗娟（Kelly）、鄧詠雪（Suetzi）及陶枳樽（Crz）則希望減得幾多得幾多，故一落場就即「開工」！

HunterZ齊齊P住個波支撐上身，蕊蕊（右二）露出事業線，十分養眼！

HunterZ相約做運動，更邀得外籍靚仔教練幫忙，難怪做得特別落力！

蕊蕊做引體上升時，有板有眼，完全冇難度！

蕊蕊打沙包全身消脂
想減全身嘅朋友，可以跟蕊蕊打拳瘦身，首先向沙包打拳2分鐘後休息30秒，然後再用腳踢沙包，同樣都係踢2分鐘後休息30秒，咁樣就可以上下都瘦身。

Crz做瑜伽凸出線條
如果只係想將身體線條凸出，就可以跟Crz做瑜伽，做簡單嘅拉筋動作。

Kelly踩單車專減下身
想減下半身嘅朋友，不妨學Kelly踩單車半個鐘，但記得個身要挺直，如果唔係就容易整親自己。

Suetzi舉啞鈴局部收身
想局部達致收身效果，可以學Suetzi舉啞鈴，前後做約10下，休息幾秒再做。

郭富城

松岡李那

張繼聰

組合HunterZ，位位成員跳得又唱得，要操到一副靚Body原來絕非易事，蕊蕊、何麗娟（Kelly）、鄧詠雪（Suetzi）及陶枳樽（Crz）得閒無事便會到健身室，上至踩單車，下至舉啞鈴，絕無一樣可以難倒她們！她們稱對做運動要求很高，皆因平日要勁歌熱舞，所以今次齊齊相約在健身房。入到健身房時，她們即對外籍教練兩眼發光，見她們踩單車、做瑜伽、舉啞鈴及打拳，都落足200分心機，就知道她們的減肥決心有多大！

「投訴」金剛No Show

身材驕人的蕊蕊，坦言對全身上下都唔滿意，要決心同肥肉講拜拜：「多數女仔都對自己身形係唔滿意，加上經過同Kelly一齊做嘢之後，我真係覺得自己超肥，唔減唔得！」不過卻「投訴」金剛未有陪伴左右：「佢講咗幾年話陪我一齊做運動，結果就成日都唔得閒！」而Suetzi則說：「我想練腹肌，等成個線條有番出嚟。」

問到四人有否經常做運動？蕊蕊表示每星期她們都要練舞，故運動量相當大：「其實都多嘅，因為我哋係跳舞組合，每星期都要練舞，一星期有幾次，但跳舞唔係所有肌肉都可以Keep到，局部性同少用到嘅位置，其實都係要鍛煉吓。」而Crz坦言要跟肚腩「劃清界線」：「我有需要減吓肚腩，因為冬天食得太多好嘢，所以都要同佢講拜拜。」

Suetzi教斬「腩」收臂

坊間很多傳言指出，雖然做運動有助減肥，但萬一做得太多，會變得愈來愈大隻，蕊蕊聞言即專家上身，解釋當中謬誤：「其實呢個係大家嘅誤解，聽教練講好難會練到好似男仔咁大隻，除非你真係不停咁樣練，同埋食好多肉，如果唔係正常咁樣練最多都係收身，唔會咁大隻。」而Suetzi則教大家幾招傍身：「如果要收肚腩最快見效都係做Sit Up，每日做30至40下。如果要收手臂，就前後Push Up，每樣都係10下左右，休息幾秒再做。」不過，Kelly坦言最緊要有恒心：「恒心係好緊要，因為我覺得呢個係最難嘅，同埋大家要做Warm Up，因為你一嚟就做劇烈運動，容易拉傷啲筋。」