金慧君謝絕網戀

o靚模組合冬甩成員金慧君出過兩本寫真集，甜美樣貌加爽朗性格，令她吸引大批宅男Fans，她自爆經常上網打對戰Game，不少網友得悉其真正身份都會力追，但她深知網上交友信唔過，都會向網上追求者落閘：「上網係識到好多朋友，但我唔接受網戀，我會Set條界線畀自己，最多係曖昧，始終男仔太沉迷打機，唔適合做結婚對象。（網友點追你？）打機時成日講啲肉麻說話，話『等緊你呀！』、『冇咗你唔得呀！』，仲有啲人直接示愛，我唔會理，佢哋死纏一排自然消失。」

曾日打16小時

KamKam又自認「毒女」，最瘋狂試過每日花16小時上網打機，非常沉迷：「我依家20歲，有十分之一時間用咗去打機，用宅女形容我都唔夠，係毒女！打機重要過瞓覺！（揀男友要陪你打機？）呢樣冇所謂，唔阻我就OK，其實我近排都打少咗。（其他擇偶條件？）要成熟同有肉地，有啲肉攬住仲舒服，而且要夠高，因為我鍾意着高踭鞋。」

自封病美人

只顧打機的她甚少運動，更自誇是病美人：「我似西施，靚女多病呀！每當轉季就會病，又皮膚敏感，行幾步都喘晒氣，我覺得女仔體弱多病係優點，可以畀機會男友照顧吖嘛！不過我呢排單身，係有啲寂寞，不過寧缺勿濫！」

Profile

金慧君（KamKam）

年齡：20歲　身高：1米68　

三圍：33C、24、35

興趣：打機、睇漫畫、寫詩

簡歷：模組合冬甩成員，曾參與兩本寫真集《Donut x inside》、《Looking For Love》。