吳綺莉昨日與有線藝人李潤庭宣傳合作主持的節目《寵物ER》，麥貝夷則任嘉賓，帶愛貓到場的吳綺莉明顯心情欠佳，戴上墨鏡的她說：「本來仲有兩隻狗，但之前畀咗傅蕾蕾（著名畫家傅抱石孫女，日前身故），依家等我平復心情先，再睇點做。」而她前晚現身殯儀館送別傅蕾蕾時，剛巧成龍亦出席攝影師陳國雄的設靈儀式，她對此說：「當時唔知發生乜事，見到咁多記者以為大家去蕾蕾嗰邊，成件事（指傅辭世）太突然！識咗佢一年但大家成日見，佢仲係我囡囡契姐，依家要調理自己情緒先。（如果見到成龍會點？）將來嘅嘢將來先算。（其實有冇撞過？）真係唔記得喇。」

抱住愛貓開工的吳綺莉對住鏡頭強顏歡笑！