「叮噹」配音員林保全猝逝，與他合作了35年的「大雄媽媽」配音員區瑞華對此表示傷心及突然，她指林保全平易近人，為人樂觀，配音從來一Take過，不用重複，亦很提攜新人。問到知否林保全健康狀況時，區瑞華指對方身體向來沒事，故對其死訊感到很突然。她又以「大雄媽媽」的聲音為《東網》獨家錄了一段對白悼念好友：「叮噹，我係媽媽呀，你走咗我好傷心、好難過，媽媽會永遠都咁掛住你。」簡單幾句，道出不少「叮噹迷」的心聲。

區瑞華

江若琳難忘得到「叮噹」真人林保全打氣。

而林保全的師傅兼其女兒契爺、資深配音員丁羽，指對方是其第一位大徒弟，盛讚林保全踏實專業：「佢做事認真，有時覺得OK佢都會要求配過，佢嘅離開係配音界重大損失！」而林保全擔任旁白的節目《千奇百趣》，主持森美於微博留言：「再見啦！以後的千奇百趣都會少了點趣。」另一主持阮小儀則以歌詞：「圓圈加一點，再圓圈加一點……」再附上「叮噹」流淚的圖片向前輩說再見。導演葉念琛則說：「之前有搵佢幫電影《Delete愛人》聲演，本身都係呢個卡通粉絲，一見到佢就覺得佢就係『叮噹』，配完音我唔畀佢走，搵佢幫我私人錄咗幾段說話，諗住新年Send畀朋友可以好威。」