呂良偉與太太楊小娟昨日出席活動時透露，13歲兒子呂善揚由細到大都很喜歡甄子丹女兒Jasmine（甄濟如），楊小娟說：「到依家都係咁好、咁Friend。（娶佢做新抱？）我鍾意呀！但唔知人哋鍾唔鍾意。囝囝好聽Jasmine話，每次Jasmine唱歌，個仔都又踎低、又爬高幫佢拍片。（囝囝想同Jasmine拍拖？）佢仲咁細，但佢鍾意啲女仔皮膚白、斯文，Jasmine好好家教，我好鍾意呀！哈哈！（流晒口水？）係呀！哈哈！（咁快想娶新抱？）好仔不如好新抱，我揀定喇！」

呂良偉與太太楊小娟坦言視甄子丹女兒Jasmine為新抱仔。

楊小娟指兒子已承諾日後結婚，女友必先給父母過目：「唔係你自己Happy就得，媽咪都要Happyo架嘛！我個仔好孝順，話OK。」呂良偉亦對Jasmine讚不絕口：「我鍾意佢，佢好乖，多才多藝，依家佢唱歌，我個仔仲打鼓添！OK，滿分！滿意o架我哋。」現年10歲的Jasmine，除跟劉詩昆老師學鋼琴外，歌藝出色，畫功亦了得，作品經常被展覽。

另外，對於有傳關之琳明年拉埋天窗，楊小娟表示未收到通知：「冇聽佢講結婚，冇收到帖，但都會準備禮物，我都要恭喜佢。」