黃翠如與張繼聰昨晚分別勇奪「飛躍進步女藝員」及「飛躍進步男藝員」獎，翠如在台上領獎時感激無綫高層曾勵珍及余詠珊，當她表示感謝「愛我嘅人」時，王祖藍及梁烈唯等即在台下「牛咁眼」望住其男友蕭正楠，令他尷尬兼苦笑！翠如續說：「希望將所有祝福送畀香港人。」其後急急腳落台，差點忘記拎獎走，事後她解釋：「個獎同佢關係唔大，但佢事前有同我講Good Luck，將所有票投畀我，指甲油都係佢揀。」

張繼聰今年演出的劇集均大有發揮！

劇接劇的翠如BB雖失落視后，卻勇奪「飛躍進步女藝員」獎。

而張繼聰領獎時多謝完台前幕後及家人後，更特意多謝老婆謝安琪：「好多謝佢每日臨瞓前、擘大眼令我見到好靚嘅嘢。」令台上台下高聲歡呼，他受訪時又大讚祖藍無私奉獻！