王菀之（Ivana）為脫離盛女行列，早前被《好報》拍得化身男友Eric So的「阿四」，藉此箍實男友。她昨日現身二手衫店時，承認感情生活非常甜蜜，更流露一顆恨嫁的心！

Ivana表示和男友Eric So相當甜蜜，冇鬧交好耐。

Ivana如廁後自動自覺拿水果，唔使勞煩男友。

男友掛住食，由得Ivana講唔停。

王菀之憑參演無綫劇《老表，你好hea！》而名氣大增，其感情生活亦備受關注，她與男友「Figure王」Eric So曾經鬧過分手再復合，早前她被《好報》拍到與男友「糖黐豆」出街，更甘願任對方當公仔舞，據聞被指有「公主病」的Ivana之所以一反常態，變得小鳥依人，全因為想盡快嫁出去。

Ivana昨日在尖沙咀開設的二手衫店打躉，親自招呼顧客。提到早前被拍得為男友做「阿四」一事，她澄清男友平時亦會幫她拿東西，又不忘大晒恩愛：「我哋依家相處得好開心，亦都冇鬧交好耐喇！」

唔肯認同居

至於現時是否同居？她只說雙方各自有居所，未有正面回應男友到其香閨過夜一事。問到是否很快拉埋天窗時，Ivana即甜笑說：「女仔一定要有番啲矜持嘅！（求咗婚未？）好明顯未啦。（係咪一求婚就會答應？）世事無絕對嘅！」