陳嘉桓（Rose）、黃芷晴及周柏豪前晚於旺角出席電影《販賣．愛》謝票場，現場觀眾反應不俗，令首次擔正的Rose甚為鼓舞：「其實之前優先場反應都幾好，依家正式上映，都好想知大家嘅反應，好開心好多都好正面，希望繼續有好嘅反應。」Rose於戲中與飾演其媽媽的龔慈恩有不少母女情深的對話，相當催淚：「呢套戲真係要好多謝龔姐姐（龔慈恩）同智叔（廖啟智），佢哋真係好厲害，戲好好之外，亦能帶動到成個劇組，我好多場戲都係一Take過，好感激佢哋同導演。（最難忘邊場戲？）我記得有一場戲講我激到龔姐要打我一巴，因為呢個場口要拍幾個鏡頭，所以龔姐要打我十幾巴，我同龔姐講唔緊要真打，呢場戲對我嚟講都幾難忘。」

陳嘉桓、黃芷晴及周柏豪齊齊到戲院謝票。