無綫台慶劇《名門暗戰》下周結局篇劇情將進入白熱化，為回饋粉絲，無綫由星期一晚開始一連五晚進行「名門解密 晚晚十萬」送大禮遊戲，合共送出五十萬給觀眾，希望觀眾睇得更投入、更肉緊！「謎題」先在每晚的《東張西望》首播，觀眾欣賞劇集「解謎」後透過TVB fun進行遊戲，每晚十時半截止，並於晚上十一時《名門解密 晚晚十萬》節目內進行抽獎，幸運觀眾將會獨得十萬港元獎金。

胡定欣大讚無綫送錢，自言想參加埋一份添！

黃浩然出發到新加坡宣傳。

《名門暗戰》進入結局篇兼送大禮，一眾演員落力宣傳。

對此，《名》劇演員胡定欣說：「正呀！每晚十萬，我都想參加。最後一星期當賣大包，觀眾又可以睇得投入啲，又可以刺激收視，希望收視有三字頭！」談到好姊妹胡杏兒獲「R先生」送花，她說：「我都想知係邊個，佢呢排好多花收！我覺得唔會係吳卓羲送，R意思係咪Mr.Right，等我問吓佢，幫佢過吓目，希望佢快啲搵到個好歸宿，生兒育女，唔使再黐嚟我度喇！」說到是否谷收視，蕭正楠說：「公司想同觀眾多啲互動，吸引吓觀眾係好事！」而曹永廉覺得最重要是劇集口碑好，又劇透奸角黃浩然會悲慘收場。