袁嘉敏(Candy)及台灣美眉許維恩昨日到荃灣宣傳電影《屍城》,Candy見到大會安排的爛面喪屍,即被嚇得面青青,場面搞笑!在戲中飾演女獄長的她,穿上皮衫狂鞭安志杰,她笑言上套戲踢杜汶澤下體,今次則打安志杰,自嘲會有報應:「其實我好柔弱,唔知點解成日演變態角色!」問到是否在王晶新片《鴨王》中露點,她支吾以對:「係冇着衫,但唔知剪出嚟係點。(露三點?)尺度要開鏡日先講得,依家只可以話係全裸。」對於有指她扮一姐要求星級化妝師Zing及黐古天樂,Candy連聲否認,問到是否冧古仔,她笑說:「我迷戀佢啲公仔,希望有人搭路,畀我潛入佢個倉度!但現實中冇咩交流,起碼今年冇講過一句說話。」

袁嘉敏(右)一見到「喪屍」即嚇到面青青,相反許維恩(中)則十分淡定。