無綫一眾小生花旦包括佘詩曼、鍾嘉欣、胡定欣、田蕊妮、郭晉安、馬國明等盛裝亮相紅地氈,場面熱鬧,其中尤以阿佘及鍾嘉欣最受歡迎,粉絲夾道歡呼。剛「升呢」人妻的陳敏之以白色晚裝亮相,大騷長腿,結果被司儀取笑是否穿着婚紗走紅氈,旁邊的馬明即打趣說:「敏之畀人搶咗,本嚟我哋都打算結婚。」

身穿花裙的鍾嘉欣,與田蕊妮鬥靚。

穿上吊帶晚裝的林夏薇,與蕭正楠齊齊行紅地氈。

郭晉安挽着徐子珊紅地氈時,笑到四萬咁口。

徐子珊以一襲粉色露背裝現身,較日前在港出席公開活動,壯態明顯回勇,近排忙拍劇的她笑說:「今次真係冇時間搵戰衣,好彩有個做Styling嘅朋友幫手咋。(咁性感嘅?)做足安全措施呀!」

鍾嘉欣憑碎花長裙奪得「靚爆星光大道獎」,領獎時被要求在上台重演多次行Catwalk,她就一邊揮手,一邊攞住獎項,恍似當年選美得獎時的模樣。至於岑麗香在台上被司儀以普通話訪問,她隨即露出尷尬表情,表示不諳普通話,希望以英語回答。以吊帶低胸上陣的林夏薇偕同蕭正楠出場,相當吸睛。而王祖藍與薛家燕孖住行紅氈,期間不忘繼續發揮幽默本色﹕「新加坡粉絲真係奇怪,鍾意攞住人哋嘅名牌,叫我哋個名嘅?」