周汶錡泰國買樓「曬」幸福

名模周汶錡（Kathy）及陳貝兒昨日出席珠寶活動，本報前日獨家報道Kathy與法籍夫婿Julien在泰國慶祝結婚兩周年，在當地曬得一身古銅膚色的她說：「個地方我自己搵o架，因為我哋都好鍾意泰國，呢個私人小島離曼谷都係個幾鐘車程，好少人，好Relax！（天體浴？）嗰度好少人，真係鞋都唔使着！（唔使着衫？）你喺自己酒店咪可以唔着囉！」問到有否在泰國全力造人，實行二人去、三人返？她笑說：「嘩！如果咁好驚喎，總之好開心啦玩得，歎咗五日！（買小島做島主？）暫時唔會，一個島要好多人打理，人工唔平。」並指老公熱愛滑水和滑浪，故有意在泰國置業，但不想老公玩太多危險運動。