蕊蕊領軍的女子組合HunterZ昨日在北角東碼頭登船，試玩以700萬港元打造的鬼船「鬼哭神號」，細膽的蕊蕊全程躲在成員堆中，帶頭行的何麗娟（Kelly）和鄧詠雪（Suetzi）毫不畏懼。期間突然彈出的鬼，嚇到蕊蕊失控尖叫兼刮損陶枳樽（Crz）的手臂。她們又爬入棺材，Crz卻笑言百無禁忌：「呢個係道具，我哋又唔係瞓，升『官』發『財』呀！」問到會否搵男友金剛做保鏢玩鬼屋？蕊蕊笑說：「佢話無聊、唔驚喎！所以唔肯陪我玩，我懷疑係佢驚。」

蕊蕊（左）嚇到縮在後面，其他HunterZ成員則扮驚，玩得開心。

Jason（右起）、Naomi與Karl拍車頭相，真係大膽。

Khloe嚇到捉實緋聞男友洪杰，相當搞笑。

同場還有洪杰與緋聞女友朱紫嬈（Khloe），女方被嚇到翹實「男友」狂奔，洪杰則Man爆保護，並暗寸Khloe：「見到前面朋友畀人嚇咗，都知隻鬼喺邊都仲驚、仲要扯，呢啲係比較忟啲，但啲化妝、服裝的確好出神入化，女仔心血少係會驚。」Khloe則反擊洪杰未有保護到她：「佢唔係遮得好多，佢（身形）薄得滯。」另外「綠魔」Karl（許嘉浩）與姚洛銘（Jason）一起撩鬼玩，又影車頭相，同行的Naomi（馮鎵瀠）慘被嚇到花容失色，她自爆曾箍實前台灣棒棒堂成員Elmo（戴家昀）頸，害得對方在鬼船大嗌救命。