無綫藝人吳卓羲準備到上海拍外景時手背被行李箱割傷流血，幸沒大礙，他將拍內地劇集搵真銀，還笑言阿媽嫌屋細，要換間大的！

吳卓羲（左起）、梁琤及關禮傑齊齊到機場，準備出發到上海拍攝新劇。

吳卓羲到機場時被發現手背流血，他即向工作人員借膠布貼上。

吳卓羲（Ron）昨日現身機場，聯同一班無綫劇集《梟雄》的演員梁琤及關禮傑等出發到上海拍攝外景。

甫到機場的Ron被發現右手背流血，他解釋是被行李箱割傷，並不嚴重。他又透露未來一段時間將會非常忙碌，拍劇至十一月後又要趕到內地拍攝一部愛情電視劇，努力「搵人仔」：「阿媽嫌屋企細，叫我買間大啲！」他又指家中擺放很多大型玩具，揚言要買一間二千六百呎的房子：「你話做仔幾咁大壓力吖！」他又坦言拍此劇獲益良多，提到與曾合作的吳鎮宇及黃秋生比較時，他說：「鎮宇拍戲時係好投入、緊張，而秋生就比較從容啲。」

梁琤偷睇秋生做戲

而梁琤則表示只赴上海拍攝至十月初的戲份便返港，然後為另一套《再戰明天》宣傳。

她大讚劇中「百樂門」賭場的廠景十分華麗壯觀，同時又沉醉於黃秋生及黎耀祥的演出：「現場睇已經火花四射，個感覺真係好正，有時拍攝前後都會留喺個廠睇佢哋拍戲！」