周麗淇（Niki）與黃芷晴昨日齊出席《FURLA全新2014秋冬系列預覽》，以露背裝上陣的Niki喜獲品牌送贈全球首個刻名手袋，她透露因主演內地的劇集收視好而增加了知名度、工作機會及收入，又希望明年可在香港投資物業：「仲努力緊，依家樓價太貴。（同男朋友聯名？）佢買畀我啦！（結婚計劃？）我人生冇乜大計，結婚生仔都係隨緣，所以唔排除做做吓會即刻結婚！」而同場的黃芷晴則透露正忙於籌備與其他品牌設計上的Crossover，項目現已進行得如火如荼：「除咗飾物，仲會出埋衫褲鞋襪。」

周麗淇獲品牌送贈全球首個刻名手袋，好Lucky呀！

黃芷晴（左起）、陳嘉寶及蔡穎恩盛裝出席品牌活動。