鄭嘉穎拍攝完無綫劇集《天眼》後，即投入電影《貧窮富爸爸》的拍攝，日前他與台灣童星溫玄燁（小小彬）及新女演員李呈媛到大澳拍外景，未知是否天氣太熱，嘉穎全日都「面燶燶」！

戲中的鄭嘉穎偕小小彬在三十幾度高溫下跟着導遊東奔西跑，苦不堪言。

鄭嘉穎不但熱得皺晒眉，還不斷抹額上的汗。

面黑黑的鄭嘉穎與同劇女演員李呈媛完全零交流，係咪真係咁熱呀？

嘉穎拍攝時拖着扮演其兒子的小小彬，與身邊飾演記者的李呈媛變身跟團旅遊的遊客，跟着導遊跑東跑西。

驚咗小朋友

當日氣溫高達三十多度，未知是否太熱的緣故，停機後嘉穎即變得木無表情，皺眉兼「面燶燶」，背稿亦只企在一角，與劇組人員毫無交流。問到嘉穎當天是否心情欠佳，電影導演透過電話回應：「嗰日唔止嘉穎一個躁，我哋個個都躁，嗰日真係太熱，套戲又拍得好趕。」他指嘉穎一看見劇中的童星心情就變好：「我仲叫佢快啲結婚生仔，但佢話依家嘅小朋友太聰明，有啲驚。」問到有否安撫嘉穎的情緒，導演笑說：「唔使喇！佢喺無綫再辛苦嘅都試過，電影呢啲小兒科。（佢同同劇演員熟唔熟？）佢同所有人都好好，同女主角李呈媛都做咗好朋友。」