首度亮相倫敦時裝周的謝婷婷自爆曾與男友Sean拍拖浪漫遊倫敦，視對方為結婚對象的她正等待Sean開口求婚，更有意在非洲舉行婚禮！

以異國風情打扮現身的婷婷，希望在非洲舉行婚禮。

婷婷與男友Sean感情穩定，更視對方為結婚對象。

「粗眉模」Cara打頭陣出場，令全場觀眾為之起哄。

「中門大開」的Rira Ora，成功謀殺鏡頭。（東方IC圖片）

謝婷婷於倫敦時間本月十四日下午出席TOPSHOP UNIQUE 2015春夏時裝騷，一身異國風情的她造型突出。向來鍾情設計的婷婷有意設計寵物用品：「我唔主張狗仔着衫，覺得好奇怪，我想設計Lifestyle例如狗籠咁，可以用螢光色襯番間屋，型啲！」問到可有抽空濕平？婷婷自爆曾與男友Sean拍拖遊倫敦：「之前都有同Sean嚟過。（當時拍緊拖？）係呀！佢以前喺英國讀過書。」問到將來會否打算在倫敦結婚？她說：「可能歐洲，不過我想喺非洲，但好多人話危險！」

「佢乜都同我講」

提到Sean被拍得與洋妞外遊一事，婷婷即時為男友澄清：「佢嗰日做完騷同模特兒一齊收工被人影到。（擔心？）佢所有朋友我都識，陣間會同佢啲朋友出去食飯。（報告行蹤？）佢乜都會同我講，我比較自私，會做完晒嘢先同佢講，唔係Check佢，只係佢習慣乜都同我講，我成日同佢FaceTime！」並坦言已視對方為結婚對象：「到咗呢個年紀，係一致方向，諗一生一世，最後結唔結婚係另一件事。（傾過？）冇傾過，呢啲係男仔問，佢亦唔會透露太多。（等佢開口？）自己未Ready，到時佢問我都未諗到點答，我都未知答案，結婚係大人嘅事，諗吓先，當然有合適對象都會諗一生一世。」而同場的英國 「粗眉模」Cara Delevingne打頭陣及壓軸出場，引起全場哄動。

Rita Ora勁「峰Show」

此外，英國女歌手Rita Ora繼續游走倫敦時裝周，她在當地時間14日現身Stella McCartney時裝騷，以Deep V Jumpsuit亮相的她大騷天賦本錢，搶盡「峰」頭。