歌手兼演員黃欣（Lena）因工作要經常化妝，不過仍能保持白滑美肌，皆因她除勤做Facial外，還有獨門天然護膚妙法！原來她平日會自製天然磨沙：「橄欖油再加沙糖，之後喺掌心搓勻佢，再慢慢細細力搽落塊面，呢個可以做磨沙同滋潤，搽完好滑o架！呢個係我朋友教我o架！一個禮拜一次左右，唔使做得太密嘅！」

Lena雖然常常化妝，但仍能保持白滑皮膚，全靠天然護膚秘法！

Lena每星期做一次Facial，深層清潔肌膚。

橄欖油沙糖磨沙

「Green Peel」果酸護理

在家護理外，Lena亦勤到美容院做Facial，她說：「我平時多數做一個叫Green Peel嘅Facial，佢有少少果酸成分，不過係好輕微嘅，佢好似磨沙咁，幫你清咗啲粒粒，再注射啲Collagen（骨膠原）落去。果酸有啲人敏感性皮膚就會驚，不過佢呢個係好輕微嘅，同埋唔係直接撻落塊面，我做咗咁耐都冇事，差唔多一個禮拜做一次。」不過她提醒大家，天然磨沙和這種Facial同樣是深層清潔性質，故不能做得太密，隔數天一次即可。