李蘊爆G.E.M.有人追

藝人李蘊（Renee）和李曼筠昨日到會展出席《香港電腦通訊節2014》活動，早前與鄧紫棋（G.E.M.）慶生的Renee，自爆送了頸鏈及生日卡給對方：「DIY咗我哋啲相黐落去，好似小朋友。」問到會否介紹男仔給好友？她指不需要：「大家都鍾意唔同類型。（佢有人追？）佢咁靚女冇人追你都唔信啦！」又笑言對方享受單身：「冇男友唔代表唔開心，工作上咁成功大家都好戥佢開心。佢遲早都會有，佢咁有魅力。有男朋友就冇咁自由o架喇！」而李曼筠則表示正忙於編寫第四本著作。