Janice Man（文詠珊、JM）與鋼琴王子李雲迪前後腳行紅地氈，大露背的她被拒影合照，慘食檸檬的她決定「迪」不動、我不動，即使為拍戲而苦練鋼琴，卻唔肯生「琴」李雲迪，講明唔會請教對方！

文詠珊

李雲迪唔肯同JM合照，難得硬食檸檬的JM仍死撐唔介意，認真慘情！

即使JM如何落力表演「背多Fun」，依然吸引唔到李雲迪。

好恨同你影相咩依家！（設計對白）

鄭融露腰兼谷胸搶鏡。

台灣最近屢次發生氣爆事件，幸好小齊的朋友已報平安。

剛自組公司的JM、任賢齊（小齊）、衞蘭、鄭融、草蜢及李思捷等昨晚在澳門威尼斯人出席晚宴，身穿貼身透視長裙的JM大晒玉背，與鋼琴王子李雲迪前後腳行紅地氈，不過李雲迪卻未有被JM的「背多Fun」所吸引！當記者要求二人合照時，李雲迪身旁的工作人員竟然Say No，向JM大派檸檬！未能與李雲迪合照的JM大嘆可惜：「一路都好欣賞佢，冇所謂啦，自己係鍾意佢嘅演出同才華。（食檸檬唔開心？）唔會，因為本身我都唔知佢嚟！」並表示與鋼琴素有淵源，因為她將在新戲彈琴，問到會否請教李雲迪？她說：「唔會啦，大家都唔熟！」

小齊心繫家人安危

至於思捷早前被拍得與緋聞女友萬綺雯（蚊蚊）當街咀嘴，他澄清說：「冇咀到啦！喺劇集入面一早咀咗，係角度問題！」問到可會擔心影響蚊蚊的婚姻？他說：「唔會，佢每日開口埋口都係講佢老公，咁多年感情唔會影響到。」

此外，剛從台灣回來的小齊得知當地又發生氣爆，他表示朋友已報平安：「呢排要去內蒙沙漠地方拍嘢，我都會打電話番屋企，但有時收唔到，個心就會好急！」而同場的鄭融則以背心加透視長裙現身，露出小蠻腰的她展現性感一面。