昨日繼續有讀者爆佳麗料，自稱曾與「索腿傅穎」(12)蔡曉瑩（Janet）於同一間航空公司任職的空姐，指對方曾搭上有婦之夫，背上「小三」之名，還令男方的太太鬧自殺，事件廣為人知！該空姐又爆Janet約一年前與另一女同事爭男友詹勝而大打出手，但獲任職公司高層的詹勝力撐才不致被「炒魷」。

對於傳聞，詹勝認與Janet拍拖六年，對女友被中傷感心痛，澄清未有「爭仔」一事：「我知道話爭仔嗰個係邊個，但唔識佢！佢哋冇為我爭風呷醋同打交！（女友做過小三？）總之Janet唔係小三！佢個位係管空姐，好易得罪人。（有下屬想中傷女友？）應該唔會，可能係其他人做，女人堆多是非！」提到有讀者以舊相踢爆Janet疑似整容，他指女友拍照後有修圖習慣，可能因而被誤會整容，他不介意記者摸Janet的下巴與鼻以證真假。