本報日前獨家踢爆蕊蕊獲內地富二代K先生發力狂追，身為男友的金剛強調對女友百分百信任，蕊蕊昨日直言畀到對方信心，又大讚他夠強！

蕊蕊笑言男友金剛可以再壞啲，金剛收到未？

HunterZ預告新MV找來肌肉男助陣。

蕊蕊和金剛互相信任，感情要好。

蕊蕊昨日以組合HunterZ成員身份與隊友接受電台訪問，提到新歌MV請來多位肌肉男助陣，蕊蕊說：「MV主題係男人不壞、女人不愛。」問到男友金剛夠不夠壞？她即笑說：「可以再壞啲。（金剛話對你好有信心，會唔會覺得好冧？）佢應該覺得好冧，我畀到信心佢。」

時刻報到

與男友同居的蕊蕊坦言兩人相處已有一段時間：「互相信任，平時做嘢都會保持聯絡。」由於金剛自言有「強」的地方能箍實女友，問到金剛哪裏強？蕊蕊說：「普通話同搞笑囉。（仲有？）都幾大隻同細心。（有冇啲冇咁表面？）呢啲唔講啦。」