著名音樂人恭碩良（Jun）宣布加盟黃柏高（Paco）的太陽娛樂文化，Paco表示等足15年，笑指對方是名副其實的藝術家脾氣。而Jun則否認下月與女友林憶蓮拉埋天窗。

Jun自彈自唱，非常有才華。

Jun希望Paco可助他攻影壇。

一眾太陽娛樂藝人齊撐Jun。

恭碩良正式加盟太陽娛樂文化，金牌經理人黃柏高前晚為他在中環舉行歡迎派對，小肥、側田和J.Arie等均有出席，Paco表示足足用了15年時間才成功招攬Jun：「15年前佢出道，第一次聽佢把聲已經驚為天人，好欣賞佢才華，可惜無緣，一直等機會，今次佢主動搵我當然一拍即合。」

而向來甚少簽經理人的Jun坦言被Paco的口碑所吸引：「好多朋友都簽咗畀佢，去到某個位我都需要一個Guardian（監護人），我又想拍吓戲。」他透露早於七年前已對演戲有興趣，身邊朋友更指他為人搞笑，不過他未敢挑戰喜劇：「咁唔代表人哋覺得好笑，咩角色都想試。」

搵女友做監製

他即場演繹的新歌《Believe》找來女友林憶蓮任歌曲監製，他說：「好嘢應該要Share，我都幫佢Concert打鼓。」不過提到有傳他倆下月結婚時，他卻說：「係咩？如果有喜事就不妨講。」