沈卓盈近日於新劇演歌女，開工不久便又唱又跳，非科班出身的她惟有犧牲食飯時間惡補舞技，更獲湯鎮業大讚值90分！

着旗袍的沈卓盈為拍攝歌舞戲，事前不惜捱肚餓。

沈卓盈（右）在陳煒面前咀湯鎮業，睇到陳煒眼火爆！

沈卓盈於新劇挑戰歌女角色。

鑑於無綫女星梁政珏早前於歐洲被搶手袋，趕不及返港拍攝新劇《梟雄》大場面戲份，結果角色拱手讓給沈卓盈（Jess）。臨時拉伕的Jess，日前着上旗袍拍攝兩場歌舞戲，其後又要色誘湯鎮業，在飾演其太太的陳煒面前接吻，可謂甚有難度。為防影響拍攝，Jess連飯也沒有食，不斷苦練舞步，幸好表現有板有眼，連拍檔湯鎮業也大讚她聰明。

有大家姐風範

湯鎮業認為Jess非專業舞者，但對於即學即用來說，其表現已值90分：「佢進步好多，啲歌就話咪嘴，但兩場舞要特別學，好彩佢幾聰明，外形又OK，有呢個表現已經好好。」二人其後還有一場於陳煒面前的咀戲，湯鎮業表示排戲時沒有真咀，只是埋位時才咀，他笑說：「場戲主要係激陳煒，佢不知幾有大家姐風範，入型入格，行出嚟已經似，以後無綫嘅大家姐角色佢撈晒都得。」並稱很高興今次遇到不少好對手，令拍攝氣氛相當愉快。至於Jess則坦言不想令大家失望，惟有連吃飯時間也用作練舞，幸好曾學習中國舞，故尚算應付得來。