薛家燕着魚網襪扮阿姐

谷祖琳、薛家燕、范振鋒與李思欣夫婦出席魔術慈善活動，谷祖琳指很喜歡魔術表演，因夠創意，又會和女兒玩魔法城堡：「個女依家兩歲，等佢4、5歲先睇吓學唔學魔術，但佢有跳舞，仲有表演天分過我。（怕囡囡大個入娛圈？）呢啲嘢好難講。」她又透露已有6個月身孕，囡囡知道有個妹妹也沒呷醋。同場的薛家燕因為支持魔術師李行齊和李鋈麟博士才出席活動，又覺得《Sunday扮嘢王》回響不錯：「下次我就扮汪阿姐，但會好性感o架，要着魚網絲襪！」她又笑言男友說她扮得可愛就行，又會集集追看。