官恩娜（Ella）和連詩雅（Shiga）昨日出席低碳活動，Shiga稱會身體力行減碳，例如沖凍水涼和多搭公共交通工具。Ella則表示戒食牛肉一年多，又想多食素：「本來想叫我隻狗都食齋，但原來佢哋唔食肉會死，咁我自己實行咗先。」
Ella表示戒食牛肉一年多，如今又想多食素。
提到昨日是鬼節，Ella即大叫好驚：「我鍾意聽靈異嘢但係又驚，男朋友唔信呢啲嘢，次次都笑我，今晚都會叫佢陪我瞓。（咁咪多隻鹹濕鬼？）佢唔鹹濕！係好健康正常嘅男仔。」
