尹光主演的《尹光唱盡新馬腔》前晚假新光戲院揭開序幕，而祥嫂前晚接受新光網上數碼電台訪問，竟表示由於事前未獲知會，曾一度考慮向尹光的演出發禁制令，有份投資該節目的李居明在旁說：「當我知道高志森（製作人）冇知會祥嫂，就即刻透過丘亞葵通知番。」又指高志森應向祥嫂道歉。

尹光主演的《尹光唱盡新馬腔》前晚首場，祥嫂、高志森和李居明等齊拜神開鑼。

尹光前晚獻唱新馬腔，大受戲迷歡迎。

高志森事後覺得有澄清必要，故主動聯絡記者：「我只係負責製作，所有嘅公關工作都係由新光負責，要通知祥嫂係咪應該由佢哋呢？況且今次我冇揭祥哥私隱同家事，只係重唱佢嘅金曲。」他表示不擔心會影響日後與李居明合作：「傾啱咪做，唔傾啱咪唔做囉！佢畀咗張紙我，提過嚟緊仲有10場演出可以傾。」