陳嘉桓（Rose）昨日化身「盜墓者羅拉」，到荃灣為射擊比賽擔任嘉賓，不怕弄瘀手腳的她指玩槍充滿刺激感：「人哋最快嗰啲玩到1分39秒，尋日自己玩就玩咗6分鐘。」問到打功夫還是開槍比較難？曾在電影《辣警霸王花》開真槍的她指開槍較難，但有意學砌槍：「女仔識嘅話都幾有型！（唔怕冇男仔埋身？）唔驚，學多樣嘢好！我都學緊潛水，想試多啲高難度嘅嘢。」

Rose以「盜墓者羅拉」造型擔任射擊賽嘉賓。

Rose又表示想試「跳飛機」，記者即糾正應是跳降傘，她即笑說：「喺飛機度跳降傘落嚟！」提到日前發生氣槍傷人案，她表示有留意新聞，又指玩槍時要做足安全措施，但自爆前日被BB彈傷面。