岑麗香與「警鐘模」Jessica C.（JC）昨日一同出席活動，香香特意穿上六吋高踭鞋，以免被高挑的JC搶風頭，可惜最終仍不敵以低胸裝亮相的JC，她笑說：「今日已經特登着最高嗰對高踭鞋，因為知佢好高！（有冇戴埋Push Up Bra？）呢啲係女人嘅秘密，有冇戴都唔會講！」她又認為每人都各具美態，毋須刻意比較。

香香離開時被大批記者及粉絲包圍，身旁的工作人員即為她開路。

有指關禮傑的女兒關楓馨跟她同樣是甜姐兒，她笑說：「始終大家唔係同一個人，不過香港多啲Sweet冇損失。（咁咪有人同你爭飯碗？）我做好本分就得，做人咪咁貪心。」此外，她透露下月將到台灣拍劇，屆時會在郊區取景，期待欣賞當地美景及美食，更笑言現在便要開始減肥！