關楓馨

黃愷傑、趙雅芝

夏雨、黃俊銘

王敏德（左起）、王麗嘉、馬詩慧

王麗嘉

關禮傑女兒當見識

關禮傑愛女關楓馨樣子甜美、身材高挑，早前出席活動以背心短褲示人，迅即成為新一代宅男甜心，同時吸引不少客戶爭相邀請出席活動。其經理人Nancy昨日接受電話訪問時：「有四、五個活動搵佢，始終佢唔係想全情入娛樂圈，出席活動都係當見識吓，所以唔會咩Job都接，會小心選擇！同埋佢9月要返英國開學，想多啲時間陪屋企人。」

趙雅芝兒子闖影圈

趙雅芝與黃錦燊兒子黃愷傑承父母衣鉢打算進軍娛圈，最近趙雅芝頻帶兒子現身公開場合及介紹予圈中前輩，令兒子知名度飆升。其經理人周柱輝昨日表示：「佢想喺影圈發展，依家有兩個劇本接洽中，一個香港一個內地，亦有移民公司想搵佢代言，不過要慢慢嚟，睇定啲先決定。」

夏雨兒子做司儀

視帝夏雨兒子黃俊銘（Dixon）昨日受訪謙稱認有品牌活動斟洽，當中有邀請他做司儀：「有啲活動邀請，傾緊。（趁星二代熱加價？）唔會，我仲係新人，應該要見多啲嘢。稍後會幫爸爸部電影唱主題曲，亦會喺YouTube開Channel，利用香港特色嘅嘢例如鐵閘等作為樂器，自彈自唱，依家搞緊劇本。」

王敏德女兒賺外快

王敏德二女王麗嘉，今年將升讀大學，趁暑假返港，順道隨名模母親馬詩慧及宣布出櫃的家姐王曼喜出席活動賺外快。身高5呎11吋，身形不遜時下模特兒，加上擁有驕人上圍，火速上位，各大品牌爭相邀請，令她暑假吸金不少！