由網上唱到入樂壇的女子組合Robynn & Kendy除唱功了得外，同時精通多種樂器。多才多藝的二人雖然外表斯文，但原來絕非只顧形象，平時玩自拍更喜歡擺出搞笑趣怪表情，實行有幾騎呢得幾騎呢！

Robynn鼓埋泡腮，搞到嘴都歪埋兼露出兩條勁深法令紋，夠晒騎呢。

矇眼Kendy伸長條脷，又擘大口整O形嘴，相當有趣。

睇睇Robynn鼓起塊面，弄出深深的法令紋，而Kendy則伸脷矇眼，其後又張開大口整出歪面，認真搞笑！她們坦言一向喜歡做搞鬼表情：「我哋鍾意搞爛Gag，傻傻哋又輕鬆又好開心，就好似我哋首歌《今天只講笑》一樣，偷吓懶，搞吓鬼！」問到會否怕騎呢樣嚇走異性？她們說：「唔介意！男仔仲應該要同我哋一齊搞笑！」