歌手吳雨霏前晚為新車揭幕禮擔任嘉賓，性感上陣的她自爆剛榮升車主，豪花過百萬購入首部新車，但未有向對車甚有研究的舊愛余文樂取經。

身穿低胸長裙的Kary在台上即場獻唱，令台下觀眾拍爛手掌。

Kary直言購置新車時沒有詢問舊愛余文樂的意見。

Kary、余文樂

Kary坐在名車上大騷白滑長腿，十分吸睛。

吳雨霏（Kary）前晚以特別嘉賓身份出席《全新保時捷Macan新車》揭幕禮，以超低胸高衩連身裙性感上陣的她，即場獻唱兩首歌曲，現場氣氛高漲。

Kary自爆剛成為車主，所買的名車正是今次全新車款發布會中最貴的一款，價值逾120萬，認真豪氣！自認是該品牌粉絲的她，問到買車時有否獲品牌給予折扣，她避而不答：「今日嚟到已經好開心，仲要係入行以嚟第一次買車。（有冇問前男友余文樂意見﹖）冇，我自己揀o架！咁嘅車款仲要有埋Turbo真係冇得頂。（買咁快嘅車想賣甩記者？）好難喎！我鍾意揸可以載到好多人同埋我隻狗嘅車。（使唔使要個型男襯番？）我希望嗰位型男都有架靚車！」

18歲考牌一Take Pass

提到車牌號碼，她笑言想要一個連她都記不到的車牌，問到是否不想被人認出，她矛盾地說：「但架車咁靚都想畀人欣賞。」

Kary又表示喜歡揸車，有多年開車經驗的她，18歲取得成人身份證後便急不及待考車牌，還一Take Pass：「我好享受揸車嘅感覺，所以唔恨有柴可夫司機，而且我平時出入都有司機開車，但夜晚揸車出去兜風真係好正！就算我去旅行都鍾意自駕遊！」