蕊蕊昨日「硬食」脫衣舞男的猖狂行為，其好友劉俐（藍莓）都替她不值，她說：「蕊蕊份人咁怕醜，我估佢當時嚟唔切反應，所以好似任人魚肉咁，真係好唔抵！（畀你會點做？）我會反客為主，見猛男埋身，我會起身同佢跳舞，等佢冇機會去摸到自己。」

黃榕早前與朱主席跳舞時有身體接觸。

至於自稱經常被抽水的性感女星黃榕，早前與朱主席公開跳舞時又疑被摸胸，身為「過來人」的她得知事件後，即大為錯愕，認為絕對是性騷擾：「聽落好恐怖，點可以咁做！好明顯係性騷擾！飲醉咗都唔會咁啦！就算外籍人士思想開放啲，都係太過分，如果換轉個女仔係我，我會覺得好惡心，無奈上得台要表現專業，只可以死忍，但一定要雙手護胸！」