宅男女神黃山怡（糖妹）和吳若希昨日到動漫節為手機遊戲《神魔之塔》撐場，她們均指不介意男友打機，而糖妹更鍾情宅男，直呼打機好過溝女，認真識揀！

吳若希（左）與糖妹均穿上超高鞋出席活動，齊齊「增高」！

林建名（右）與囝囝現身，即被問到囝囝與何傲兒的「戀情」。

糖妹專心地與小粉絲研究遊戲，果然對打機有興趣！

糖妹和吳若希昨日現身香港動漫電玩節支持手機遊戲《神魔之塔》舉行的《神魔玩慶‧2014》第二擊之《神魔歌Sing匯》，為競技場的玩家打氣。吳若希不慎自爆早前有圈外男友：「之前個男朋友都有一齊玩《神魔之塔》。（隻Game唔係好耐！）年幾前，冇咗喇，圈外嘅。」提到Big Bang會在下周二號為遊戲撐場，她稱想見偶像一面：「我轉頭去後面同佢哋自薦吓！」她又表示不以Cosplay造型現身是怕引發歌迷與Cosplay發燒友罵戰：「因為曾經試過Cosplay之後，畀一啲好專業嘅Cosplay迷話我扮得唔夠專業。」

紅噹噹襯Big Bang

而糖妹表示坐港鐵時發現一系列韓國組合Big Bang為遊戲代言的廣告：「我專登着咗紅色，因為知道Big Bang嘅Tae Yang都係着紅色嘅！」問到男生瘋狂「轉珠」會否扣分？她稱不減反加：「打機好過溝女，寧願佢打機！」

而大名娛樂老闆林建名現身疑似撐場，訪問時卻忽然眼泛淚光，但他隨即澄清：「係啲燈光搞到我流眼水！」有指何傲兒睇中囝囝林孝信，他指兩人為朋友。問到會否撮合「世姪女」和囝囝？他說：「順其自然啦！」