藝人陳嘉寶、蔡思貝及李佳芯等昨日突襲灣仔動漫節，出席無綫活動《J2動漫．熱：幻想救未來》，早前憑劇集《女人俱樂部》入屋的陳嘉寶，自爆叫男友陪行山擋「狂蜂浪蝶」， 至於女子組合Super Girls則穿火辣舞衣載歌載舞，性感程度爆燈！

以輕便行山Look示人的陳嘉寶大談拍攝行山節目的苦與樂。

舞動全場的Super Girls成功炒熱氣氛。

藝人李佳芯（左起）、陳嘉寶、蔡思貝及何廣沛出力宣傳放笑彈。

低胸晒腰又露腿的Heidi性感登場，令人驚喜！

一身奇怪裝束的Bob昨日也現身動漫節湊熱鬧。

陳嘉寶、蔡思貝及組合Super Girls齊齊現身動漫節為節目造勢，極具霸氣！

藝人陳嘉寶、李佳芯、Bob、陳芷尤、何廣沛及港姐蔡思貝等昨日現身動漫節，力撐無綫活動《J2動漫．熱：幻想救未來》。

早前參與行山節目的陳嘉寶大談拍攝過程，她笑言行山期間吸引不少「狂蜂浪蝶」：「好多蜜蜂，有次行行吓有隻咁大（以手掌示意）嘅蜘蛛跌咗喺另一位主持嘅頭上！」現正拍拖的嘉寶透露未有「狂蜂浪蝶」埋身，但卻希望與男友一同行山，因為男友可以充當護花使者保護她！

蔡思貝削髮「衝線」

同樣有份拍攝行山節目的蔡思貝，膚色變黑不少，又為新劇《衝線》換上一頭清爽短髮，劇中更有不少踩專業單車的戲份，已受訓兩天的思貝，希望多訓練幾天以增加安全感：「用嘅係公路單車，隻腳會勾實架車，如果一跌就好易成個人跌！」至於李佳芯則透露拍攝行山節目時行到暈：「第一次行唔記得戴帽，真係行到暈暈哋，加上怕搵唔到廁所，所以唔敢飲太多水，曬到額頭都紅埋！」相當慘情！

此外，同場的組合Super Girls穿上性感舞衣勁歌熱舞，令歌迷及動漫迷尖叫聲不斷，紛紛舉機拍照，成員李靜儀（Heidi）席間更化身性感的動漫角色，令活動更添氣氛。