「辛苦搵錢自在玩」！忙裏偷閒離港旅遊的確是不少人夢寐以求的散心首選！模媽陳靜儀（Mia）本月初便撇低仔女，拖「六女」到港女至愛的「泡菜國」遊玩，實行勁買勁食鬆一鬆！與女友人同遊韓國四日三夜的Mia，湊巧有「都敏俊」特別展覽舉行，她便把握良機直闖都敏俊「閨房」朝聖：「我有睇晒成套《來自星星的你》，知道個展覽有劇入面嘅場景，當然要去睇啦！去咗劇入面嘅露台、書房同廳影相，好靚！」韓粉Mia更入鄉隨俗，以一身「韓妹Look」游走當地，並發揮女人濕平的天性，即買即用兼且睇中就買：「成個Trip用咗5、6萬左右啦，去咗首爾塔間酒店食飯飲酒睇夜景，又去咗好多地方玩！最重要就係Shopping，買咗好多靚衫、鞋、化妝品！有一日買咗頂白色帽同背囊，買完即戴即孭！」

大出血掃貨的Mia即買即用，化身「韓妹」玩轉「泡菜國」。

全女班攻韓的Mia喪食喪玩兼血拼，又可Girl's Talk交換少女心事。

此行花了5、6萬的Mia可一睹都敏俊「閨房」，相當「超值」！

出埠暢遊的Mia放鬆荷包，滿床戰利品！