別以為前港姐陳庭欣身形弱不禁風，其實相當打得！向來熱愛運動的她，這一年都Keep住玩泰拳，除保持Fit爆身形外，身體及皮膚亦愈見健康。她稱揀泰拳源於特別喜愛群體運動：「唔鍾意得一個人做嘅運動，好悶！鍾意群體性嘅運動，因為可以同人哋交流。」

吸取經驗的陳庭欣提醒大家打拳時要戴好護膝，非常窩心！

好動的陳庭欣早前與家人到澳洲旅行，並趁機潛水騷Body！（資料圖片）

打了一年泰拳的陳庭欣，體形與皮膚都有改善，難怪她打上癮啦！

問到女仔打拳會否比較困難時，庭欣自爆打拳的節奏感較差：「初初覺得好難，除咗要力氣，仲要跟節奏，但我冇咩節奏細胞，所以有時叫我左右左右出拳，我就要諗一諗。」雖然辛苦，但成果依然令人感到滿足！她透露打拳一年令身體健康不少：「身邊朋友都話我瘦咗Fit咗，身體機能同心肺功能都好咗。而且因為要好多力氣同走動，又要成日踢腳，所以腳形同Pat位都收到。」不過，她建議大家打拳時要戴好護膝保護自己：「踢腳嘅時候會整到隻腳瘀晒，我初初學嗰時冇戴護膝，搞到開工都要幫自己隻腳化妝。」