前亞視高層盛品儒於動漫節出席其創辦的數碼娛樂公司活動，女友蔡一鳳亦有現身，他說：「本身想搵多啲Show Girl，但最後都冇，佢係唯一一個Show Girl。（咁多性感女，女友唔會呷醋？）我睇唔到，我眼中只有佢。」同場的前亞姐張家瑩表示想玩Cosplay：「未玩過，好多打扮都好性感，想喺度搵番個知己一齊玩。」又表示近期開了兩間餐廳，共投資七位數字。

Ashina性感拍廣告。

盛品儒與蔡一鳳孖公仔現身活動，齊齊祝酒。

另外，模郭奕芯（Ashina）昨日在觀塘拍攝健康食品硬照，對於近日盛品儒對女友發表愛的宣言，她暗寸：「佢要結婚，眼中得蔡一鳳好正常，睇落咪好似好專一咁囉！」又表示希望可以拍電影，並給男主角驗胸：「合作人選希望係張智霖同陳偉霆。」