o靚模仙樂都、黃榕及女子組合B.Gs等，前晚出席寫真刊物3周年派對，仙樂都說：「出咗3本寫真好夠，依家寫真界真係Over咗，出年我想出文字書，提啲妹妹仔點保護自己，去試鏡有乜準備，唔算天書，只係感慨以前着一件頭泳衣就搵到錢，依家三點式都只夠餬口！」

仙樂都明年休戰，準備出文字書。

黃榕揚言今年寫真戰，冇人是她的對手。

至於黃榕則說：「有留意今年寫真對手，但冇個係對手！（仙樂都影埋今年告別？）短期內我都唔再影，但唔會話最後一年。（影到幾歲？）我18歲啫！（介意講年齡？）冇介意，台灣好多Model就算30幾歲都影得好靚，溫碧霞都係！」而B.Gs成員周汶希日前獲李雨陽送蛋糕慶祝生日，她說：「佢幾好人，大哥哥咁！（想追你？）冇喎！冇試過單獨約會。」