湯盈盈產後復出,與老公錢嘉樂雙雙獲邀在電影《分手100次》中客串,首次以夫妻檔合作拍戲的二人,鏡頭前後經常十指緊扣晒恩愛。不過,嘉樂在戲中竟偷偷與王菀之(Ivana)發展婚外情,眼見老公在新片中「偷食」,盈盈透露最初接拍時不知道劇情安排老公有小三,嘉樂說:「佢知道劇情之後話冇可能發生,佢話我有外遇,佢冇可能唔知!」問到能否接受婚外情?盈盈笑說:「我接受唔到囉!不過如果情婦係王菀之又唔拘喎!」而身為第三者的Ivana則笑言未有時間與嘉樂發展感情:「雖然戲中發生咗好多事,但其實拍到尾聲先至真正見到呢位情夫!」

(左起):鄭丹瑞、王菀之、周秀娜、鄭伊健、湯盈盈、錢嘉樂
湯盈盈與錢嘉樂夫妻檔於電影《分手100次》中客串。

另外,身為《分》片男女主角的周秀娜與鄭伊健日前現身有線電視節目,娜姐笑指伊健的英雄形象非常入屋:「伊健嘅華英雄同古惑仔真係太深入民心喇!每次望住伊健嘅背影,個腦就會浮現佢打交嘅畫面。」