憑露股一剝成名的周秀娜師弟何浩文，今年決定收起優質「股」，進軍歌影兩路！他誓要效法娜姐默默耕耘的宗旨，向做「男版娜姐」目標前進，證明自己四肢發達，頭腦卻不簡單。

何浩文讚師姐周秀娜轉數快又EQ高，視為學習對象。

何浩文新歌講表白，自認係「老手」。

雖甩拖一年，但何浩文不介意繼續做「糖妹舊愛」。

娜姐由露Bra撈到賣Bra，一直默默耕耘。

去年因露股寫真而為人認識的何浩文（Dominic），與「糖妹」黃山怡的長短腳之戀雖已玩完近一年，但至今仍被標籤做「糖妹舊愛」，對此他說：「標籤化係呢個年代嘅特色，我唔會好介意，人哋點話你，你唔受咪畀番人囉！我自己就唔Care，都係個名嚟，大家睇完知我係邊個就算。（保持聯絡？）冇啦！大家做嘢都忙，第時見到都唔會尷尬嘅。」

情場失意，Dominic惟有寄情工作，今年離開跳唱組合Bro5單飛發展的他，正式以個人名義進軍樂壇及影壇。事業踏入新階段，他不忘向曾傳緋聞的師姐周秀娜取經：「佢會分享自己嘅睇法，喺佢身上學到默默耕耘，因為我身邊有啲人由唔鍾意佢、話佢露身材，慢慢開始覺得佢講嘢有智慧。我覺得娜姐嘅EQ好高，係我其中一個學習目標。」

自爆求愛冇女吼

單飛後第一首主打歌《SAY YOU LOVE ME》，講述「鵪鶉男」冇膽向心儀女仔示愛，Dominic自爆求學時也不時表白失敗：「中學試過好多次，全部冇收場、冇結果，有女仔扮唔知，有女仔真係唔知，有女仔知咗唔睬我！可能我由細到大都冇自信心，喺一班人之中都係唔受重視，慢慢愈大愈好，幽默咗，開始多嘢講。」