女子樂隊Choco希望借音樂宣揚快樂訊息，最近卻大改「Happy Rock」風格，嘗試透過一些怪異現象，以嬉笑怒罵的形式反諷社會！她們找來小克為歌曲《耳機內的知己》填詞，藉此反映社會噪音充斥，因而要將耳機化作知己，傾聽音樂放鬆心情。

Choco大改曲風，藉以表達現今社會充滿噪音。
KiKi（左起）、Cathy、阿Mel、Nova

談到曲風的改變，成員Nova指首張大碟較自我及滿載少女情懷，第二張專輯希望曲風較廣泛及成熟，阿Mel則說：「除咗會保留開心快樂嘅風格外，仲會加插啲社會性內容，因為單一風格係唔夠嘅！」Cathy再補充新元素：「會係Dance Bit，而且唔會係大怨氣嘅音樂。」KiKi又表示未來所有歌曲都「All Plug」，會在作品露面後才集成一張大碟，務求令樂迷欣賞到每首歌，拒絕只為出碟而創作！