自認是「靚仔高層」的盛品儒早前背女友蔡一鳳當街攬啜「嫩口謝安琪」郭奕芯，被《東網》全程足本直擊。他日前不避嫌亮相前緋聞女友黎虹讌（E仔）的節目《男人經》大談私事，更獲E仔當眾護駕，大讚是「靚仔筍盤」！

盛品儒（右）亮相涂諾及E仔的節目，自爆箍煲進展理想。

E仔請來多位嘉賓大講男人經。

盛品儒在街頭攬啜Ashina，成為城中熱話。

前亞視執行董事、自認「靚仔高層」的盛品儒（James），早前背女友蔡一鳳（Michelle）當街攬啜「嫩口謝安琪」郭奕芯（Ashina），更被《東網》全程足本直擊，成為全城熱話！雖然事件尚未告一段落，但他日前不避嫌現身為前緋聞女友E仔的亞視節目《男人經》擔任嘉賓，分享做男人的心得，更開腔回應「偷食」一事！

E仔不避嫌護駕

E仔透露James在節目上指「箍煲」進展理想，已獲得女友Michelle原諒，但仍未過其家人一關。問到可有提及如何箍煲？她笑說：「佢喺節目冇講到，但話依家戒緊酒，控制自己咪飲醉！」問到對方的為人時，她出力護駕：「其實佢同Michelle拍拖後就變咗宅男，以前成日叫人飲嘢，依家成日都話要返屋企。」

此外，James在節目盡情分享，認為男人的社交生活屬正常事，傳緋聞只是「一堆人意想不到的效果」。提到兩人的「微秒關係」，E仔說：「我哋真係好朋友嚟咋！佢都識我老公！每次一出關於我哋嘅報道，佢都打電話畀老公耍冧，話要請食飯。」