樂隊KillerSoap日前在商場舉行小型音樂會，在台上落力獻唱一輪後，邀來現場約30名粉絲上台合唱，全場High爆。主音Rocky受訪時表示曾在商場開騷被投訴：「以前會畀商戶投訴太嘈，試過警察嚟到，要腰斬個音樂會，所以今次冇畀人投訴，實在太好。」他們又稱希望將搖滾精神發揚出去，目標要踏足紅館舞台。

KillerSoap在商場舉行小型音樂會。

成員Rocky High爆獻唱，成功炒熱氣氛。

提到早前文憑試放榜，Rocky自爆試過會考失敗，但最後憑努力讀上碩士：「我當時放榜都好失望，但只要肯努力，大把路行，要同自己講，發生緊喺自己身上嘅事永遠係最好。」