鄭嘉穎險斷母子關係

鄭嘉穎、楊怡和高海寧最近為《天眼》開工，他們昨日到土瓜灣拍攝外景，劇中有騎電單車追賊場面的鄭嘉穎表示，年輕時曾向母親要求學電單車，但最終遭反對：「佢話如果我考就同我斷絕母子關係，至今我都冇考到，都係一個遺憾，揸電單車好型o架！」結果騎電單車的場面都是由替身拍攝。另外，有雜誌指他介入表妹婚姻，鄭嘉穎不滿地指報道涉及其家人，已到了他的底線：「家人唔係圈中人，冇需要承受呢啲誣衊同不實報道，尤其呢啲咁敏感問題，亂作一通，我一定要有行動，會同律師商量出律師信！」他更笑言會到深水埗搵「Law霸」尋求法律協助。

金鷹獎爭視帝

而高海寧表示劇中介紹楊怡給鄭嘉穎認識，但現實中不會做「媒人」：「責任好大！如果有筍盤都畀自己先啦！」而楊怡大讚緋聞男友羅仲謙在新劇中的單車手造型似模似樣。

另外，鄭嘉穎入圍《第二十七屆中國電視金鷹獎》角逐「最佳電視劇男演員」，他說：「內地咁多演員同劇集，競爭好大，可以入圍好開心，多謝大家！」對於無綫藝員黃嘉樂同樣入圍，他說：「戥佢開心，希望香港藝人喺內地都可以有啲成績。」黃嘉樂和呂晶晶分別憑《媽祖》一劇提名金鷹獎電視劇男、女演員，嘉樂笑言可與「大佬」鄭嘉穎齊齊提名已感榮幸，亦是一大鼓勵，希望其後可於台慶獲提名。而呂晶晶亦表示開心，並指此劇為她帶來不少搵真銀機會，最近她更以7位數酬勞接拍內地劇。