影帝周潤發在曼谷為《賭城風雲2》開工，曾揚言為與張家輝合作而參演的他，積極游說家輝邀張太關詠荷出山參演，但家輝卻顯得興致缺缺！

發哥力邀家輝嫂加盟，卻遭家輝拒絕。

關詠荷

發嫂欣賞Angela的畫作。

發哥在船上拍攝追逐戲，險象環生。

周潤發與張家輝及王詩齡（Angela）昨日在曼谷繼續拍攝王晶新片《賭城風雲2》，發哥到片場即與Angela隔岸揮手，而Angela亦送畫作給發嫂，十分溫馨！一位80歲的泰籍婆婆更撩發哥傾偈兼集郵！

發哥又稱最希望與家輝老婆關詠荷合作，更不時與家輝密密斟力邀張太加盟，但發哥表示家輝對他的提議不感興趣：「家輝有個太太角色，我講笑提議搵關詠荷加入，但家輝話唔想同老婆日對夜對，仲要戴住個面具做戲，話留番啲機會畀佢（關詠荷）好拍檔歐陽震華喎！」

而沒有妻兒陪伴遠赴泰國開工的家輝，被問到會否約見電影《激戰》拍檔泰國人妖Poyd？他笑說：「我都冇佢電話，撞到就撞啦！不過佢依家多數都喺內地拍劇。」

打拳騷「骨感肌」

家輝早前在《激戰》中「爆肌」，但這次他將騷肌重任交予發哥：「今次做斯文人，有得騷我都冇肌喇！發哥騷肌得啦！佢Fit到爆，落咗好多苦功，準備大開眼界！佢上台打泰拳，我就出術幫佢贏！」發哥聞言笑說：「係呀我要騷！不過我打泰拳係要瘦，冇佢《激戰》咁大隻！」

提到周迅日前閃婚，發哥與家輝均送上祝福，家輝笑言希望請對方食飯。至於有傳周迅奉子成婚，曾與她合作《孔子：決戰春秋》的發哥說：「唔會啩！佢想做媽媽？咁祝佢雙喜臨門啦！」