謝霆鋒妹妹謝婷婷與李桂蘭兒子戴尚安（Sean）屢傳婚訊，李桂蘭昨日出席活動時說：「佢哋結婚，我知一定通知你哋。」對於他們將來有意在非洲舉行婚禮，李桂蘭即學拉姑表示要儲定錢，又相信當地是一個浪漫的地方。問到二人可曾透露結婚？她說：「你問佢哋，Sean都話要儲吓錢先，事業重要。（覺得婷婷點？）好滿意，成日都有食飯。」問到若奉子成婚會否接受時，李桂蘭亦表示支持：「仲開心，我可以湊孫，我都冇嘢做。（催佢哋快啲？）唔輪到我，不過佢哋生出嚟嘅BB一定好靚。」

李桂蘭笑言要儲定錢參加兒子Sean與婷婷的婚禮。