佘詩曼、黎耀祥、蔡思貝、唐詩詠及梁政珏等藝人昨日現身將軍澳電視城，出席《Amazing Summer！抱抱陽光！100°C好玩！》記者會，林峯因腸抽筋缺席活動，而阿佘則透露最近惡補廚藝，落力為自己加分，向賢妻之路進發！

佘詩曼勤學廚藝箍仔，拍節目曬黑不少的蔡思貝自嘲似外傭。

蔡思貝

吳卓羲與唐詩詠言談甚歡。

蘇玉華（左）與黎耀祥在台上玩遊戲，非常投入。

佘詩曼、黎耀祥、蔡思貝、唐詩詠及梁政珏等逾60位藝人昨日齊集將軍澳電視城，出席《Amazing Summer！抱抱陽光！100°C好玩！》記者會，對於林峯因腸抽筋缺席，阿佘笑說：「佢財多身子弱，祝佢早日康復！」並透露近日落力鑽研烹飪：「呢排跟媽咪學烹飪，我有天分o架！（想綁住男友？）我冇男友！但女仔識煮嘢係優點、會加分！（想開餐廳？）我唔識做生意，唔開餐廳啦，開Party請朋友嚟食啦！」

蔡思貝變黑炭

同場的蔡思貝曬得一身古銅色，她說：「好多人問我係咪扮外傭！我之前去東莞為《瘋狂夏水禮》擔任主持，唔使着泳衣，但曬咗4日！拍行山節目《山系女行Yama Girl》，又去咗兩日一夜露營，加埋曬足一個禮拜，已經搽咗防曬，不過唔緊要啦，出嚟嘅節目效果好就值得！」

而準新娘梁政珏透露暫未落實婚期：「擇咗幾個日子，未決定係今年定出年，之前有報道話我Book唔到場，其實我都未搞，好忙！我知有對美國夫婦結婚15年，每年都會去唔同地方慶祝，我問咗未婚夫，佢話都想試吓，咁我就唔使為咗乜嘢結婚儀式而頭痛，慶祝結婚周年嗰時都有得補飛嘛！」