模特兒出身的白梓軒（Tom）是中英混血兒，在香港土生土長的他近年轉戰台灣，憑高大靚仔形象俘虜一眾少女心，但他沒有放棄香港市場，年前與友人合資在銅鑼灣開設日式餐廳，原因是他喜歡飲飲食食，所以將興趣化作副業，締造品味生活！

Tom在餐廳內特設吧台，食飽飽隨時可以飲兩杯。

日本牛肉火鍋
把生牛肉放在鍋裏一滾，肥美又Juicy！

火燄豆腐
在豆腐外皮澆酒，火燄隨即燃起。

煎鵝肝
Tom示範煎鵝肝，型男廚神出場！

范振鋒夫妻合璧搞日本餐廳，寓甜蜜於料理。

Uny投資串燒餐廳「賺外快」。

Shake出獨門雞尾酒
將適量梳打水和酒倒入調酒杯。

Shake Shake調酒杯。

倒出後放上幾片薄荷葉即可飲用。

混血型男白梓軒近年長駐台灣拍戲，更身兼夜店DJ，閒時最喜歡跟三五知己落酒吧談心，但因工作關係，他不想到人多的地方，認為有一個私竇招呼朋友就最好不過，所以決定跟朋友合資開餐廳：「細個落Club玩係因為鍾意音樂，睇DJ打碟，依家我同Partner都鍾意出嚟飲吓嘢，招呼吓朋友，跟住就有呢個餐廳出現。依家台灣朋友嚟香港，都可以有個地方招呼佢哋，喺私人地方一齊Hea吓玩吓！」正因如此，Tom特意在餐廳設置了一個吧台，營造酒吧格局。

親自下廚煎鵝肝

Tom稱餐廳已開業一年多，但仍未回本，目標是在台北開分店。他推薦三款招牌菜：日本牛肉火鍋、火燄豆腐和煎鵝肝。為了讓大家一睹招牌菜的風采，Tom還化身大廚示範煎鵝肝！最後他為大家展示三餸一酒，把一頓美味晚餐呈現大家眼前。問到如此識飲識食，擇偶條件是否很高？Tom則認為感覺行先，但一定要揀的話會選擇嬌小女生：「本身唔太鍾意高嘅，Eye Level唔好一樣，要長頭髮，不過都係要睇感覺。我喺香港長大，同女仔講嘢慣咗用廣東話或普通話，反而用英文會少啲，冇咁識表達，發揮唔到，所以暫時香港、台灣女仔係我首選。」

Shake出獨門雞尾酒

Tom對調酒亦略有心得，更即場調配Cocktail，拿起調酒杯的他有板有眼，不消一會便Shake出一杯獨一無二的Cocktail。

趙哲妤副業鋪後路

正所謂「花無百日紅」，藝人工作量不穩定，相對收入亦不穩定，所以很多藝人選擇經營副業，當中開餐廳的為數不少，包括前中國小姐趙哲妤（Uny）、DJ范振鋒夫婦和林子善等，Uny最近投資六位數入股尖沙咀一家串燒店，范振鋒夫婦則主攻日本料理，而林子善開設懷舊茶餐廳，眾皆經營得有聲有色！